Göngudeild

Göngudeild Samhjálpar er til húsa í höfuðstöðvunum að Stangarhyl 3A í Ártúnsholti. Meginstarfsemi hennar felst í ráðgjafarþjónustu. Þeir sem helst nýta sér þjónustu göngudeildarinnar eru skjólstæðingar Samhjálpar sem lokið hafa meðferð í Hlaðgerðarkoti, aðstandendur þeirra, eða fólk sem tengist stofnuninni á einhvern annan hátt. Göngudeildin er hluti af eftirmeðferðarstarfi Samhjálpar og hafa íbúar Áfangaheimila Samhjálpar greiðan aðgang að henni.

Ráðgjafar á göngudeild eru Þórir Haraldsson ICADC* og Vilhjálmur Svan Jóhannsson ICADC*, þeir sjá um almenn viðtöl. S. Hrönn Sigurðardóttir Cand. theol. CADC** og hjúkrunarfræðingur er með sálgæsluviðtöl. Viðtal á göngudeild kosta 2000 krónur.

Auk almennra viðtala er Magnús Stefánsson CADC / ICPS** dagskrárstjóri forvarna- og fræðslu, með viðtöl fyrir unglinga í vanda og aðstandendur þeirra á föstudögum en einnig býður Magnús sjálfstætt upp á einstaklingsmiðaða göngudeildarmeðferð. Tímar hjá Magnúsi kosta 4.900 krónur. Viðtöl þarf að panta hjá Magnúsi sjálfum í síma.897-1759. Allir starfsmenn göngudeildarinnar eru með IC&RC*** próf í vímuefnaráðgjöf.